Tema modersmål - amhariska

የአመቱ አገር አቀፍ የአማርኛ መምህራን ስብሰባ በማርዬሀምን(Mariehamn) በ2011/05/16 በጥሩ ሁኔታ ተከናውኗል።

በስብሰባው ላይ ወደ 14 የሚሆኑ መምህራኖች ከመላው የስዊድን ክፍል የተገኙ ሲሆን በተለያዩ ነጥቦችም ላይ ተወያይተዋል።

እሣትና ውሃ

እሣትና ውሃ ተባብረው አንድ በሬ ገዙ። የዕለቱ ዕለት በሬያቸውን  ሌባ ሠረቀባቸው። በዚህ ጊዜ አቶ እሣት እንዲህ አለ።

" ባልንጀሬ ሆይ ያው እንደምታውቀው ካንተ በስተቀር ሁሉንም አሸንፋለሁ። ስለዚህ አሁን ባፋጣኝ ተነስቼ ቤቱንም፤ደኑንም፤ሣሩንም አቃጥዬ የበሬያችንን ሌባ ፈልጌ ላግኘው" አለው።

ውሃ በበኩሉ

"ወንድም ጋሼ እሣት ምነው እንደዚህ ማለትህ የሰረቀውንም ደህነኛውንም አንድ ላይ ማቃጠል አይገባም። ሌባውን ለመያዝ ከሆነ የሚቸግረን ነገር የለም። አሁን እናገኘዋለን" ብሎ አጽናናው።

"እንዴት አድድርገን " ቢለው

"እጠብስ ያለ ካንተ፤ አጥብ ያለ ከኔ ብቅ ይላል። በዚህ ጊዜ እንይዘዋለን" አለው:

ይህን ከታባባሉ ከጥቂት ጊዜ በሁዋላ አንዱ ቅልጥም ይዞ ወደ እሣት መጣ። አንደኛው ደግሞ ጨጉዋራ ሊያጥብ ወደውሃ ዘንድ ጎራ አለ። በዚህ ጊዜ ሌቦቹ ስለታወቁ ተይዘው ታሰሩ።

"በትልቁ ተመኝ ሆኖም ባለህና በትንሹ ተደሰት"

"የሰዎችን ተስፋ አትውሰድ ምናልባት ያላቸው አንድ ተስፋ ያ ሊሆን ይችላልና"

"ባያስፈልግህ እንኳን ከሚገባህ በላይ ደግ ሁን"

"እንደ አንድ እንደምታውቀው ሰው ቅንና ደስተኛ ሁን"

"በተቻለህ መጠን እራስህን ለማሻሻል ጥረት አድርግ"

"ነገሮችን አታጋን"

"በጥምር ያለን ነገር አትበትን"

"የተዋስከውን ነገር ስትመልስ ከተረከብክበት በተሻለ ይዘት መልስ"

"ስኬትህን የምትለካው ባለህ ጤንነት፣መረጋጋት፣ፍቅር፣ደስታ ሊሆን ይገባል"

"አንድን ሰው መውደድህን የምትገልጽበትን አጋጣሚ በፍጹም አትለፍ"

በተገኝ ይርዳው

ወንዞች በኢትዮጵያ

በኢትዮጵያ ከሚገኙት ዋና ዋና ወንዞች በጥቂቱ።

የአባይ ወንዝ          የተከዜ ወንዝ             የአዋሽ ወንዝ

የጊቤ ወንዝ         የዋቢሸበሌ ወንዝ      የገናሌ ወንዝ

የአባይ ወንዝ

በአገራችን ካሉት ወንዞች በትልቅነቱም ሆነ በርዝመቱ የታወቀው አባይ የሚነሳው ከጣና ሐይቅ ሲሆን የሰሜኑን ምእራባዊ ክፍል በማቋረጥ 1450 ኪ.ሜ ተጉዞ ወደ ሱዳን ክልል ይገባል። በአጠቃላይ አባይ ከመነሻው እስከ መድረሻው 6670 ኪ.ሜ እርዝማኔ ሲኖረው የቆዳ ስፋቱም 2.9 ሚሊየን እስኩየር ኪ.ሜ ነው።

የላሊበላ ቤተክርስትያን

የላሊበላ ቤተጊዮርጊስ ቤተክርስትያን አሰራር በአለም ተደናቂነትን ያተረፈ እና የአሰራሩም ሁኔታ ለብዙዎች ግራ የሚያጋባ ነው። ንጉሥ ላሊበላ የውቅር አብያተክርስቲያናት በመባል የሚታወቁትን ከአንድ ወጥ ድንጋይ ተቦርቡረው እና ተፈልፍለው 11 ቤተክርስቲያናት እንዲሰሩ አድርጓል።