Romani - Arli

2012-03-27 05:14

Dikhen Programa bašo mudaribe e romen ki Evropa ko dujto sumnaleskoro maribe

urq

Ko dive 7 april ka sikavelpes ke švedskakiri televizija UR sar ine e romengiri situacija ko dujto sumnaleskoro maribe.

7 april

TEMA Folkmord

16.00-17.30 Det stora folkmordet på Europas romer

http://www.ur.se/id/163411

2012-03-27 04:45

Seminari ki romani čhib 24 thaj 25 maj 2012

Sar svako berš hem akava berš kerela e Čhibjakoro godigeibe hem o Zavodi baši škola seminari ki romani čhib. Akava berš ka ovel o pandžto seminari palo redo. O seminari ka ikerelpe ko 24 thaj 25 maj ko than Språkrådet, Alsnögatan 7 ko Stockholm.

Akava seminari obratinelapes sa okolenge so kerena buti e romane čhibjaja sar soj sikavne, tumacija, pisatelija, manuša so kerena buti e romane čhibjaja ki media hem panda so upotrebinena i romani čhib ki pi buti keribe.

Baši pobuter informacija obratinen tumen dži o Baki Hasan, taro Čhibjakoro godigeibe, ko telefoni 08-442 42 14 ja palem ki e-mail adresa : baki.hasan (@) sprakradet.se

Panda akana šaj te bichalen tumani prijava bašo akava seminari. Prijava vår anmälningsblankett.

I programa e divengiri ka publicirinelpes hari pokasno ko vårt kalendarium.

2012-02-15 00:00

Dajakere čhibjakoro dive 21 februar

mother_language_day_2012

Sar sakova berš hem akava berš kerelape akava dive. Ki Švedska kerelape akava dive giljencar, muzikaja , poezijaja, ko but škole.

Hramonen amenge sar tumen kerdzen akava dive ki tumari diz.

2012-02-12 00:00

Love, bašo dumo deibe e nacionalno minoretikane čhibjenge

Dumo deibe, e minoritetikane čhibjenge, sar soj romani čhib, finsko, saminsko, meänkieli thaj jiddisch. E čhibjakoro instituti, isile šajdipe te ulavel 3,5 mile krune, te bi šaj te kerelpe nesavo projekti kote so ka šaj te zorjakerelpe, ko hramoibe hem ko drabaripe o minoritetikane čhibja.

Dikhelape akaleja so pobut o terne hem o čhave te ovel olen korist taro akava projekti, te dzanen kaj i čhib tani okoja so ikerela hem phiravela amare generacije.

Isitumen šajdipe te bichalen jek rodibe arka, taro Instituti baši čhib dži o 1 mart 2012. Drabar pobut ko olengoro web-than, institutets webbplats.

2012-01-30 10:49

Zoralipe e dajakiri minoritetikani čhib

natmin_annons_januari_2012_200pix

E školakiri inspekcija ki Švedska ka inspektirinel ko škole dali o škole dena šajdipe te sikljon o čhave pli minoritetikani čhib.I inspekcija ka sikavel jek slika taro sikljoibe e dajakiri čhib ko 34 birime dizja, ki Švedska.

Läs mer...

2012-01-30 10:44

Stipendije e siklenge ki maškaruni škola ki Makedonija

STIP1

O Ministeriumi baši edukacia thaj nauka e finansisko teloikeribaja taro Romano edukaciakoro fondi tari Budimpešta ka del šovsel stipendie baso sikljovne Roma hramosarde ko jekto , dujto ,trito thaj štarto berš taro javno thaj privatno maškarutne skole ki Republika Makedonija.

Läs mer...

2011-11-25 11:05

Te ikerelpes zorale i minoritetikani čhib ki Švedska

chaj__skola

E Uče skolakoro zavodi dingja jek predlog ki vlada, sar te ovel po zorani e minoritetikani čhib, kote so perela hem amari i romani čhib. Kerelape lafi bašo predlog, te ovel jek sikljoibe ke uše školakoro nivo, kote so ka šaj te ovel šajdipe te oven pobut kompetentno sikave ko minoritetikane čhibja. Akaleja ka ovel šajdipe te na bistrenpes hem te na našavgjoven o minoritetikane čhibja ki Švedska.

Hramon pobut taro akava akate>>

Fler artiklar...