Kanunija (zakonja) thaj pravilja baši e čhavengiri khedin thaj i silkjovni (škola)
I Švedsko khedin baši o arakhibe e čhavenge thaj i škola kerena buti palo ađahar vakerdo Pravilniko e školakoro. E školakoro kanuni thaj o sikljoibaskoro plani važinena ko sa e školakere forme. Adzahar isi hem areskere (časongere) thaj kursengere planija. Sa odola vikinenape školakoro nacionalno pravilnikoskoro dokumenti. O pravilniko e školakoro isi le ramija ,kote so šaj te ikerenpe sa o škole, i opština (i diz), thaj o škole so kerena buti slobodno aktivnostencar, školakere thaj buti keribaskere planencar , za te šaj te oven majbut thaj pobuter,kuč.
O nacionalno pravilniko
1. E školakoro kanuni soj tano kerdo kotar o švedsko parlamenti dela najanglune odluke, ko sa e školakere forme. O kanuni (zakoni) dolela sa o cilija thaj o droma, kote ka šaj te kerelpe pošukar buti ki khedin baši o arakhibe e čhavenge
2. Đi ko kanuni (zakoni) e školakoro isi hem panda odluke ko sa e školakere forme. Specialno interesna kotora baši o sikljoibe e dajakiri čhib ki fundavni sikljovni,saj te arakhelpes ko 2 kap.§7 hem § 9-14 thaj 5 kap.§2-3.
Ko kanuni bašo sikljoibe, ki gimnazija 5 kap.§7-13 thaj 8 kap.§5-6.
3.I vlada e Švedskakiri vakerela sar valjani te dikjon sa e školakere planija. Sarine so kerena buti ki angluni škola thaj ki škola valjani te keren (isinen duznost) sar so drabarela ko sikljoibaskoro plani.I škola isila buti te dikhel te šaj te dzal o sikljoibe, sar so drabarela ko sikljoibaskoro, školakoro plani. E školakoro plani valjani te ovel aktuelno ki buti keribe ki škola. Baši i gimnazija dela i vlada posebna cilija ki svako nacionalno programa.
4. I vlada dela odluka hem baši o kursija ki škola. O plani e kursengoro vakeri (opišini) sar o predmetija ja i programa kerela buti, thaj soj i majkuč ko sikljoibe. E kursesoro plani valjani te sikavi, o cili so o čhave valani te doresen ko agor. Isi kursesoro plani hem ocenengere pravilja baši e dajakiri čhib ki fundavni škola, ki angluni škola, thaj ko thana kote so arakhenape o čhave, thaj ki gimnazija.
E komunakiri (dizjakiri) buti
O političajra ki diz isilen buti (dužnost) ,baši khedin kote so arakhena čhaven thaj baši škola.
1. Svako diz ,ko jek plani valjani te sikavel, kobor tale o ambicije ki khedin baši o čhave hem ko školakere aktivnostija, ko paše hem ko dur dikhipe.
2. O anglune sikljovne thaj o škole ka drabaren po planiribe thaj pe razvoibaskere dokumentija ko jek puti keribnjaskoro plani. O škole isto valjani te drabaren po lokano sikljoibaskoro plani. E direktoreskiri buti tani te keren jek khedimo plani kote so ka valjani te bičhalel pes, te dikhel pes hem te proverinel pes ako isi potreba.
Drabar pobut taro e školakere kanuija ko www.skolverket.se
