Home Zakaono - Regler Zakonoko lil - Styrdokument

Tema modersmål - kalderash

Djutimos haj len sama / Stöd & tillsyn

2009-09-22 13:18
Skriv ut
O Shkolverk djutil haj lel sama pala kudela kaj pirèn ande shkola. Haj vi pala kudelen kaj pirén ande jekh shkola kaj ferdi kelempenge. Le tsinore glati, kana si 3-6 bershenge. Koté pirén von ji pon lel pe i tjatji shkola. O Shkolverk si le maj bare raj kaj porontjin pe le sa le shkolori ando Svedo.
Haj te si tut variso te pushes pa le shkolori, vaj kam naj tuke variso mishto ande shkola, atuntji ramosar jekh lil, E-lil vaj faxo, haj pen so si tut ano gindo. O adreso arakes pe Shkolverkoki rig po Internet. O Shkolverk haj o Myndigheten pa sitjarimos, ( Myndigheten för skolutveckling) len sama khetane te anklel i shkola mishto haj vorta. Myndigheten pa sitjarimos, lel sama te kerén vorta ande shkola le glatenge, haj vi le barenge. Von len sama sar djal o sitjarimos ande le shkolori.

14% anda sa le glati ando Svedo si len themitska dada haj deja. Von den duma jekh kaver shib khere, von den duma peki shib maj but sar svedidska. Vi len si le voja te djinen pe pengi shib ande shkola. Haj si len vi sa katji voja te avel len jekh lasho sitjarimos sar le svedanori.Voja si len te den duma peki shib ande shkola ( dejaki shib). Kodea si voja vi tsinorenge, haj vi le barenge kaj pirén ando gymnasio. (barengi shkola)
Statistiko: Adjes si ando Svedo 200.000 miji glati kaj den duma duj shiba. Dupash anda kodela si len dejaki shib ande shkola. Sa le shkolori haj le komunori traden andre svako bersh jekh lil, kaj phenén sar kerde andi peki shkola, te ankliste lashe le planeringori kaj kerde. Kado si musaj lenge te draden andre te phenén.

O maj lasho drom si te kherén butji ande jekh tan ande shkola, le dadesa haj la dasa. Sa le dada haj le deja trubun, te den duma, haj te kherén vi von jeck shkolako plano peke glatenge.
Kudela dada haj deja kaj tji den duma mishto svedidska, si lenge voja te avel len tolko, kana den duma ande shkola. Glati te na avén tolkori, ke pra but tjino si lenge.

Sitjarimos pe svedidska sar dujto shib

O kombinationo pe dejaki shib haj o sitjarimos pe svedidska sar dujto shib, si jekh baro projekto, te baraves le glatenge duj shiba. Kado si te sitjon le themarea sa katji sar le svedanori. Ke kana djanes i svedisko shib, sa kadea mishto sar le svedanori, si tuke maj vurshoro te trais ando them. Ke kana atjares i shib le svedoki, sar des duma haj, kherés butji maj mishto kavrensa. Haj importante si te djines bufarea,dja kaj biblioteka haj le tuke bufarea pe svediska.Vi lashe sitjirimata si, kino haj televizia.

 

Zakonoko lil / Styrdokument

2009-09-22 13:17
Skriv ut
Zakonorea pa tsinore glatenge haj bare glatenge kaj pirén ande shkola.
Ande le svedoki shkola si perdo zakononenge lila. La shkolako sitjarimasko plano si ande svako shkola. Haj si vi tjasonengo plano, kursoko plano. Kadala djeli bushon: Le nationella zakonoko lil.

O zakonoko lil, phenél sar te kerel i shkola. Ma sa kadea si slobodo le komunenge haj le shkolenge te keren sar von kamén. Ferdi te anklel mishto.

A. Shkolako zakono, kaj si pendo katar le themeske raj: Von si kaj puruntjin pe sa le shkolori.
Koté si sa le zakonorea pe sa le shkolori. Vi tsinorenge haj vi barenge, von si kaj puruntjin sar te djal i butji ande sa le shkolori.

B. Kaj o shkolako zakono si jekh kompleto zakono, kaj djal kaj sa le shkolori. Specialo intresanto si i dejaki shib ande le tsinorengi shkola 2 kap §7, §9-14 haj 5 kap §2-3. Le barengi ande o gymnasio, si kap 5 §7-13 haj 8 kap §5-6. Sar djinés maj pe shkolaki rig.

C. Le raj le themeske ton le zakonori pe o sitjarimasko plano. Kodela kaj keren butji ande shkola, si lenge musaj te len pen pala lenge zakonori.Le sitjarimaske planori trubun te aven aktuelo kanagodi, ande butji. Sar djinés maj but pe shkolaki rig pa kado.
Le raj le themeske purintjin, haj von keren vi svako nationelo programo. Kado programo si kodelenge kaj pirén ando gymnasio.

D. Le raj le themeske puruntjin vi pa kursokoplano ande i shkola. Sar te djal, haj sar te keren butji ande shkola. O kursoko plano phenél sar te avel vazdini i shkolaki butji. O kursoko plano site sikavel vi so te keren le glati ande shkola. Sar djinés maj pa kado pe la shkolaki rig.

Kursoko plano si pe sa le shkolori, le tsinorenge, barenge, gymnasio haj vi pe la dejaki shib.
E. Djin maj but pa le shkolake zakonorea pe la shkolaki rig. ( Skolverket ). O komuno Kodela politikori kaj keren butji ando komuno puruntjin pe le maj tsinoerngi shkola, haj vi le maj le barenge. A. Anda kodea trubul o maj raj ando komuno, te ramol jekh lil kaj phenél sa si len gindo te keren ande shkola, pe skurto haj pe lungo tsajto.

B. Le tsinorengi shkola haj vi le barengi shkola trubun te ramon opre jekh tjasongeo plano, haj te ramon sar keren butji ande le shkolori, La shkolako chefo lel porme sama, te kerde shkolori kodea kaj phendé te keren. Haj te naj vorta musaj lenge te keren kaver falea.

Sar djinés pe shkolaki rig sar keren butji le glatensa kaj aven anda kaver thema, haj vi pe le nationella minoritetori.

Ke vi ame le rom sam mit ando kado grupo.