Pa daki-shib - Om modersmål
Shaj les sitjarimos pe i romani shib, te sar atjares vi maj but anda la shkolaki butji.
Ame janas ke le romenge glati sar sitjon vi le kursori andi e shkola, te avela len jekh romano sitjaratori kaj tolmachlil lenge sar te kéren butji pe matematika, pe sveditsko shib haj vi pe le kaver butjea kaj si normalno ande é shkola e sveditsko.
La Dáki shib, si bari butji glatenge haj zoralel le glaten andi lengi identiteta mashkar le gadje. Amenge le romenge si, ke tji bisterdol amari shib, kaj sas amensa de but mia bersh, haj inkerel vi amaro modo sar trubol, haj vi sikavel amarari shib kon sam, haj anda savi vitsa avas.
Ando plano la shkolako, si te avel jekha glatake slobodo te sitjol peska dáki shib andi shkola, jekh sitjaratori pe dáki shib si té arakel le romenge glaten, andi shkola svako kurko, atunchi te sitjon le glati pa i kultura é romani, le djilea le romane, paramitja haj vi te den duma pengi shib, le gadje dikle ke aba tsingore glati sar len gado sitjarimos.
Ame le rom sam adjes jekh anda le 5 minoritetori, haj si amenge slobodo te mangas amare glatenge te sitjon romanes andi shkola, te si tut glata andi shkola, haj naj lat vaj les romani shib pe schema, sar manges gado, haj é shkola musaj te rodel sar te anel jekh sitjaritori pe tjiro dialekto.
Te si te mangesa te janes maj but pa o sitjarimos pe la daki shib, de duma kaj o Rektoro ande tumari shkola.
