Trín mangiba
O Pekka ta leski romni i Leena džiivude aro besko džuropos.
Jón sas tšuore ta butvares tenkade jón,te sar avelas lesta barvale.
Jekh díves ka Pekka bechdas avri, phenjas jov
-me mote lel baride tšér nebi ná amen louve”
Leski romni i Leena phenjas pálal:
- Ni me kamá ta ávelas pańa tšihkide ke avelas amen butide kriature, grén ja gururvja” Sas jekh ońos kón hunjas lengo rakhiba ta jov phenjas lenge:
-Me hunjom tumengo rakhiba ta me dav akán tumenge trín mangiba, so tumen kamena, douva me dav tumenge”
Pálal dóla láve džélo ońos nikhi ta Pekka ta leski romni tenkade hilo rat so jón mangeahas. Jón ná hajude so jón kamenas penge.
Vauro dívesko rjat tšerdas i Leena habe. Joi tšundas píri apo jang, aro píri sas phujengiere ta tšah. Joi phenjas : -Akán ka amen áchelas pańa goi te tšúven aro píri”
ta odoi lako nál openbáridas o goi. Lako mangiba pherdidas.
- Tinali sal, díjas o Pekka góli! ” Kán tu rikhadal jekh mangiba ta amen hin akan jekh goi. Akán ka ávelas jakhes te douva goija avelas to nakhesko télal te sáre komuja dikhenas sar tinali tu sal”
Ta staudas jakhes sar o Pekka kamjas, goi starjudas télal i Leenasko nakh ta áchdas doi sar o tšón. Tála avlo o Pekka mulanes ta tenkadas: ” Akán ka komuja lena te džanen , te amen sas ajasavo baht ta ame tšerdomas jakhes ta kán sáre tenkavena,te ame sam tinale.”
O Pekka tenkadas: Vahka amen áchelas baride tšér, me ná áchas lohano, ke mango romni diśulas sar o rom baro tšóneha.” Ta tála kamjas jov te goi nahhelas nikhi te leski romni diśulas sar sigide. O Pekkasko mangiba pherdidas ta goi dželo aro píri so sas apo bov. Jón háne goija, nebi ná sas lén butide mangiba. Jón rikhade pengo trín mangiba so ońos lóvade lenge ta ná tšek avlo o ońos pálal lenge nér.
Neviba
