Sas jekhvar jekh phurani seśi, kón sas barvali nebi knís ta ilaki. Jekh raśakotíja avlo kálengo húpa lako tšér ta kamne te áchen loĺe.Ná lóvadas i seśi vágunes, nebi ka dikhjas sar beska kenti rouvide ta avri sas horťa bengalo vetra.Joi phiradas o vudar lenge ta lovadas lromenge te áchen loĺe ta pachuven apo gulva.
- Den kuťi habe amengo beska kentenge, kamjas i romni- Ná man ná tši, phenjas i seśi pálal.
I romni kamjas lata jekh píri ta páni te tšérel spíkako džumni.
Spíkos sas la kokares ta joi hajudas te tšérel tšihko džumni.
I seśi undradas, joi nasti hunjas ajasaavo džumjata.
-Sika mange sar tu tšéreha douva džumni. Douva avelas lokho te tšéres.
I romni tšundas jekh spíkos ari píri kai sas páni.
- Akaan daťa avela horta tšihko džumni. Pańa ka áchelas kutti váre, ni doťa avelas fendide. Nebi džaná te tut naá phenjas i romni.
- Hin maan ,phenjas e sessi hastes ta anjas vaare ta romni tšundas doola ari piiri.
-Akán daťa avela jakhe tšihko, te saj del vahka fendide komujenge. Pańa ka áchhelas kuťi thund, dóllesko pálal douva avelas fendide.
-Hinko douva tšatšo, puhdas i sessi?
-Hin, ke tut ná thund……
-Tšatšes hin man alti kuťii thund. I seśi anjas thund ta tšundas douva ari píri.
-Pańa ka áchelas kuťi lón,mas ta phugengiere ni daťa džumjata avelas jakhe tšihko, te vojuvás te den vahka rádžeske.
-So phenjal,vahka rádzeske?
-jakhes me phenjom , nebi džaná,te tut ná phenjas i romni.
-Hin man pańa dóla so puhdal. Ta jakhes anjas i seśi sáre so romni kamjas.
Kaan ka džumni sas tšerdo líjas i romni nikhi spíkos ta días seśiake te hal.
- Hinko tšihko džumni, puhdas i romni? Seśii haias ta phenjas: ” Hin hortťo tšihko džumni ta tu tšerdal dauva pańa spíkosta”
I seśi sas lohani ta ni sas káleno húpa ka jón líne lotiba ta pańa habe te hal.
