ENVUBU
Envubu nsolo nnene nnyo.Ebeera mu mazzi ne ku lukalu. Eweza
mita (ebifuba) nga 3 - 42. Ate erina obugulumivu bwa mita (ekifuba)
nga 1.6. Ezitowa kg. 1500 - 3200. Muzito ekifo ekwata kya kuna mu nsi
yonna. Ebifo ebisooka bikwatibwa ebika by'enjovu bibiri, n'enkula. Omubiri
gwayo munene nnyo, amagulu mampi, omutwe munene ddala. Amannyo
mawanvu nnyo, gayinza okuweza cm 50 (ag'ennume).
Envubu zibeera mu ggana lyansolo nga 15 - 30. Ezisinga obungi mu ggana
ziba nkazi n'obwana bwazo nga zikulirwa ennume emu. Ennume zitera okulwanagana nga buli emu eyagala okwefuga enkazi.
Emisana envubu zibeera mu mazzi okweweweeza ku bbugumu. Enjuba bw'egolooba nga zigenda ku ttale okulya omuddo. Obudde buba busasaana
nga ziddayo mu mazzi. Ensolo zino zisangibwa mu bukiikaddyo bw'eddungu Sahara mu migga ne mu nnyanja. Mu Uganda tuzirina mu bungi. Envubu gumu ku miziro Abaganda gye tweddira. Mu bitundu by'Afirika ebimu omuwendo gwazo gukendedde olw'abantu okuziyigga okuzirya ennyama. Mu Uganda tetulya nnyama ya nvubu.
Envubu zirina omugaso munene mu mzzi mwe zibeera, olwokuba nti zigenda ku ttale ne zirya omuddo. Bwe zikomawo mu mazzi nga zipama mu. Ebyennyanja biwoomerwa nnyo obusa bwazo.
Florence Nightingale yali muwala Mungereza nga mujjanjabi. Ye yatandikawo obujjanjabi obw’omutindo. Yazaalibwa mu kibuga Florence ekiri mu Italy. Obulamu bwe bwonna yabumala yettanira kujjanjaba bajaasi abaafunanga ebisago mu ntalo n’abalwadde abalala.
FLORENCE_NIGHTINGALE.doc
Alfred Nobel yazaalibwa mu Stockholm nga 21 Mukulukusa 1833. Mutabani wa Immanuel ne Andriette Ahisell Nobel. Kitaawe yali yinginiya era nga muvumbuzi. Yazimba ebizimbe bingi n’entindo mu Stockholm.
