Tema modersmål - nordkurdiska

 Appa zarokan ABC kurdî heta niha ji 10 hezaran pirtir hatiye daxistin. Appê di 25ê nîsanê de sînorê 10 hezaran derbas kir. Niha rojê li derdora 100 kesan dadixînin.
Di statîstîka daxistinê de, Tirkîye û Bakurê Kurdistanê di rêza yekem, Swêd a duyem û Almanya jî ya sêyem de cih digire. svenska 

Li Swêdê ji aliyê weşanxaneya Vivlio bi swêdî û kurdî pirtûkeke zarokan ya nû hat weşandin. Tekstên swêdî û kurdî di heman pirtûkê de ne. Pirtûk, Sabîha Otlu wergerandiye bo  kurdî.
Teksta swêdî: Maria Edgren
Wergera bo kurdî: Sabîha Otlu
Wêne: Mats Molid
http://www.vivlio.se/produkt/se_upp/kurdiska.html

Wêne: Em çima roja zimanê zikmakî pîroz dikin? Ji bona ku hemû ziman û hemû kulturên li dinyayê bijîn.
Li bajarê Stokholmê, navçeya Botkyrkayê, li Fittjaskolanê roja zimanê zikmakî hat pîrozkirin. Îsal jî şagirdên li Fittjaskolanê yên ku zimanê xwe yê zikmakî dixwînin, tevî mamostayên xwe û mamostayên din ên li dibistanê, bi çalakîyên cûr bi cûr, roja zimanê zikmakî  ya navneteweyî pîroz kir.

Konferansa Ziman a Neteweyî di rojên 2, 3 û 4’ê Adara 2012’an de li Amedê bi beşdariya 300 zimanzan, hîndekar, siyasetmeder û nûnerên saziyên sivîl ên ji her aliyê Kurdistan û cîhanê pêk hat.

Em bi kêfxweşîyeke mezin radigîhînin ku me bi zimanê kurdî "app"a zarokan a pêşî weşand. Navê appê "ABC kurdî" ye. Ev app ji alfabeya kurdî û ji du lîstikên deng û tîpên kurdî pêk tê. Zarokên ji 2-salî û mezintir dê bi alîkarîya lîstikan hînî dengên kurdî bibin. Mamoste, malbat û kesên din dê bikaribin vê appê li malê, li zarokxaneyê û li dibistanê bi kar bînin. 

21ê sibatê "Roja zimanê zikmakî ya navneteweyî" ye. Ev roj, di 17.11.1999ê de ji aliyê UNESCOyê ve hat pejirandin û bi seremonîyekê hat îlankirin. Ev roj her sal li seranserê cîhanê bi çalakîyên pirrengî tê pîrozkirin. Kurd îsal jî bi awayekî girseyî û bi çalakiyên berfireh amadekirina pîrozbahîyên vê rojê dikin. Li Sêwêdê jî di di dibistanan de bê pîrozkirin.