Tema modersmål - nordkurdiska

Mamoste Medya 12 salî ye. 3 sal berê, dema ku ew 9 salî bû, wê odeyeka mala xwe ji bo perwerdeyê kiribû pol û dersa kurdî dida zarokên cîranên xwe. Wê demê polis ji bo dê û bavê wê lêpirsîn vekiribû. Mamoste Medya niha jî li Amedê bi alîkarî û piştgirîya Gun TVê ji zarokan re bernameyeke bi navê "Zarokên Rojê" amade dike.

12 çîrokên bi kurdî yên bi wêne, deng û nivîs. Ev Çîrok ji pirtûka sabîha Otlu ya bi navê ”Hebana çîrokan” hatine girtin. Wêneyên çîrokan Leyla Atak û deng jî yê Sîdar Yîgîtê ye.
>>>Çîrok
©Dibistana kurdî

Rojnameya Azadiya Welat sê pirtûkên ku berê weşandibûn di malpera xwe ya nû de bi cih kirine. Mirov dikare van pirtûkan li ser malperê ji zarokan re bixwîne. Ev pirtûk wek diyarî li zarokan hatibûn belav kirin. Ji bo xwendina pirtûkan van lînkan bitikîne:
>>>Newroz
>>>Pîrê û rovî
>>>Pîrê û çûk

Şaredariya Sêrtê 12 pirtûkên zarokan amade kirin. Şeş ji wan hatine çapkirin û şeş jî li ber çapê ne. Her pirtûk ji çîrokekê pêk tê. Berhevkarê çîrokan Kurdjan Sorî  û wêneçêker jî Mûrat Y. û Rûşen Sarili ne. Hemû wêne orjînal û rengîn in.

Me ji bo zarokên kurd 12 çîrok, alfabeyek û hin materyalên din amade kirin. Ev materyal bi deng, wêne û nivîs in. Em bi boneya sersalê van berheman di malpera xwe de diweşînin û dîyarîya zarokên kurd dikin. Em hêvîdar in ku ev xebata biçûk xizmeta parastin û pêşvebirina zimanê kurdî bike.