21 የካቲት ዓለም ለኻዊ መዓልቲ ቋንቋ ኣደ ኢዩ። እዚ መዓልቲ እዚ ብ1999 ብዩነስኮ (UNESCO) ዝተሓንጸጸ ኢዩ። ዕላማኡ፡ ኣብ ዓለም ምሉእ ዘሎ ሰብ ቋንቋኡ ኪጥቀምን ብቋንቋኡ ኪጥቀም ዕድል ኪረክብን ንምትብባዕ ኢዩ።
በዚ ምኽንያት፡ ኣብዛ መዓልቲ እዚኣ፡ ኣብ ዝተፈላልያ ሃገራት፡ ገለ ቋንቋታት ንኸይጠፍኣ ንምክልኻል፡ ብቛንቋ ኣደኻ ክትምሃር ምእንቲ ኪክኣልን ኣብ መንጎ ብዙሓት ባህልታት ምርድዳእ ኪህሉን ብዜመልክት ዝተፈላለየ መደባት ከቢሩ ይውዕል።
ኣብ ሽወደን’ውን ኣብ ዝሓለፈ ዓመታት ተመሃሮ ብዝተፈላለየ ፕሮግራማት ኬብዕሉዎ ጸኒሖም ኢዮም።
ሎሚ’ውን፡ መምህራን ቋንቋ ኣደ ምስ ተመሃሮኦም ኰይኖም ዘዳለዉዎ መደባት ምስ መጸና ኣብ መርበብ ኣስፊርና ከነቕርበልኩም ኢና።
!)]
