Tema modersmål - tigrinya

ኣስመራ ርእሲ ከተማ ኤርትራ ኢያ። ካብ 700 ክሳብ 800 ዓመታት ዚግመት እዋን ኣትሒዙ ዝጸንሐት ኢያ። ቅድም ዓዲ ነበረት። ደሓር ግን ከተማ፡ ዀነት። ኣቐዲመን ካብ ዝተፈላለየ ቦታታት ብዝመጹ ተቐማጦ ዝተደኮና ኣርባዕተ ዓድታት ነበራ። ደሓር ግን፡ ኣንስቲ እተን ኣርባዕተ ዓድታት ብዘልዓላኦ ተበግሶ፡ ኣብ ሓደ ተጠርነፋ። እታ ዘቘማኣ ዓዲ ኣስመራ ተባህለት። ኣስመራ ሓንቲ ጽብቕቲ ከተማ ኢያ። ካብ 300 000 ንላዕሊ ተቐማጦ ኣለዉዋ። ገደናታታ ጽሩይን ጽቡቕን ኢዩ። ንኽትነብሮ ዜብህግ ጥዑም ኣየር ኣሎዋ።

ዕዳጋ፡ ጥዋለት፡ ውሽጢ ባጽዕ፡ ግራርን ዘጠቓለለት ከተማ ኢያ። ንነዊሕ እዋን ቀንዲ ወደብ ኤርትራ ኮይና ዝጸንሐት'ያ። ኣዝያ ተፈታዊት ሰሓቢት በጻሕቲ ኢያ። ጉርጉሱም ኣብ ጥቓ ምጽዋዕ ይርከብ። ካብ መስከረም ክሳዕ መጋቢት ዘሎ እዋን ምጡን ምቘት ኣሎዋ። ካብ ሚያዝያ ክሳዕ ነሓሰ ግን፡ ኣዝዩ ውዑይ ኢዩ። ምጽዋዕ፡ መፍረ ጨው፡ መፋረዪ ሽሪምፕን (ሓሰኻ ባሕሪ) ዓሳን ከምኡ'ውን ፋብሪካ ስሚንቶ ዘለዋ ከተማ ኢያ።

ካብ ኣስመራ 40 ኪ.ሜ. ብወገን ደቡባዊ ምብራቕ ትርከብ።

ሓደ እዋን ዓዲ ሕርሻን ኢንዱስትሪን ዝነበረት ኢያ።
ነቢት ደቀምሓረ ውሩይ ነይሩ።

ደቀምሓረ ጽርየታን ኣቀያይሳኣን ንእሽቶ ኣስመራ ተዘክር።
ሕጂ'ውን ቅልጡፍ ምዕባለ እተርኢ ዘላ ከተማ ኢያ።

መንደፈራ፡ ናይ ምምሕዳር ደቡብ ርእሲ ክትማ ኢያ።

ካብ ኣስመራ 55 ኪ.ሜ. ኣቢሉ ብወገን ደቡብ ትርከብ ።

ስማ መን ደፊሩዋ ማለት ኢዩ። ኣየራ ጥዑም ኢዩ።

ሰንዓፈ ሓንቲ ካብ ከተማታት ኤርትራ ኢያ። ኣብ ዞባ ደቡብ ትርከብ። ኣብዚ እዋን'ዚ ብዙሕ ታሪኻዊ ነገራት ዚርከባ ዝሎ ቦታ ኢያ። ንመጻኢ ዓባይ ከተማ ክትከውን ተስፋ ዘሎዋ ከተማ ኢያ።

ዓሰብ ዓባይ ወደብ ኤርትራ ኢያ። ኣብ ደንከል (ደቡባዊ ቀይሕ ባሕሪ) ትርከብ። ንባብ እልመንደብ ኣዝያ ቀረባ ኢያ። ካብዚ ንሃገራት ኣዕራብ ቀረባ ኢዩ። ዓሰብ ካብ ኣስመራን ምጽዋዕን ርሕቕቲ ኢያ። ሕጂ ግን ብገማግም ቀይሕ ባሕሪ ኣቢሉ ዝተዘርገሐ ዘመናዊ ጽርግያ ተሰሪሑ ኣሎ። ብቐሊል ክትብጻሕ ትኽኣል ኰይና ኣላ።