Tema modersmål - tigrinya

እዚ ሓረስታይ ኢዩ። ኣንጊሁ ኢዩ ተሲኡ። ናብ ማሕረስ ይወፍር ኣሎ። ናውቲ ማሕረስ ተሰኪሙ ኣሎ። ኣብዑሩ ኰብኲቡ ናብ ግራቱ ይወፍር ኣሎ።

ንሱን ክልተ ኣብዑርን ሓቢሮም ይሓርሱ ኣለዉ።

ንሱ ዕርፊ ይጸቅጥ።

ኣብዑር ነዊት ይስሕቡ።

ኣርዑት ኣብ ክሳዶም ኣሎ።

እዚ ግራት ስገም ኢዩ።

ጽቡቕ ኢዩ በቚሉ።

እቲ ስገም ሰዊቱ ኢዩ።

እኽሉ ፍሩይ ይመስል።

እዚ'ውን ግራት ስገም'ዩ።

ሕጅስ ነቒጹ ኢዩ።

ኣብ ቀረባ ኪዕጸድ'ዩ።

ተዓጺዱ ቅሚጦታት ይኸውን።

ቅሚጦታት ኢዮም።

ኣብዚ ቀረባ ናብ ዓውዲ ኪወድቁ ኢዮም።

ሽዑ መኼዳ ኪግበረሎም ኢዩ።

ዓውዲ ኢዩ።

እዋን ቀውዒ ኢዩ።

መጀመርታ ክፋል መኼዳ ይካየድ ኣሎ።

እቶም ከብቲ እናረገጹ፡ ነቲ እኽልን ሓሰርን ኪፈልዩዎ ኢዮም።

ካልእ ዓውዲ ኢዩ።

ኪውድኡ ቀሪቦም'ዮም።

ሓሰር ተግፊፉ፡ ቡቕቡቕን እኽልን ጥራይ'ዩ ተሪፉ።

ሓሙሽተ ኣብዑር ኣለዉ።

ብየማናይ ኢድ ዘሎ፡ ቀላሳይ፤ ብጸጋማይ ኢድ ድማ፡ ኣላይ ወሰን ይብሃሉ

ካልእ መኼዳ ኢዩ።

ሓሰር ድሮ ተፈልዩ ኢዩ።

ቈልዓ ነቦኡ ይሕግዝ ኣሎ፡ ደድሕሪ እቶም ኣብዑር ይዘውር ኣሎ።

ሕጅስ ኣብ ምዝራው በጺሖም ኢዮም። እዚ ሓረስታይ የዝርው ኣሎ።

እኽልን ቡቕቡቕን ብንፋስ ይፍለ ኣሎ።

ሕጂ'ሞ፡ ስራሕ መኼዳ ተወዲኡ ኢዩ። ኣብ ምጭላው በጺሖም'ዮም።

እቲ ሰብኣይ ይጫሉ ኣሎ።

ጕርዲ ካብ ምህርቲ ይፈሊ ኣሎ።